وزیراعظم عمران خان دی صدارت اچ وفاقی کابینہ دے اجلاس دے بعد وفاقی وزیر اطلاعات تے نشریات چوہدری فواد حسین دی میڈیا بریفنگ
CHAUDHRY FAWAD HUSSAIN, FEDERAL MINISTER FOR INFORMATION AND BROADCASTING ADDRESSING ONE DAY MEDIA WORKSHOP ON “HYBRID WARFARE AND PAKISTAN’S READINESS: TIME FOR NATIONAL NARRATIVE CONSTRUCT AND STRATEGIC FORESIGHT” IN ISLAMABAD ON MARCH 27, 2019.
اسلام آباد ۔ 16 اپریل (اے پی پی) وفاقی وزیر اطلاعات تے نشریات چوہدری فواد حسین منگل کوں وزیراعظم عمران خان دی صدارت اچ تھیونڑ آلے کابینہ اجلاس دے بعد میڈیا بریفنگ اچ ڈسایا جو وفاقی کابینہ اجلاس دے شروع اچ کوئٹہ دھماکے دے شہیداں سانگے فاتحہ خوانی کیتی گئی وفاقی کابینہ دا منی لانڈرنگ دے حالیہ کیسز تے تشویش دا اظہار کریندے ہوئیں امید دا اظہار کیتے جوا یہ مقدمے انجام تئیں پجسن اتے قنون اپنڑاں رستہ خود بنڑیسی ۔انہاں ڈسایا جو کابینہ صوبائی انسداد دہشت گردی فورس (سی ٹی ڈی ) کوں منی لانڈرنگ توں متعلق کیسز دا اختیار ڈیونڑ ، پی ٹی اے دے حوالے نال سفارشات دی تیاری سانگے کابینہ کمیٹی بنڑاونڑ ، آڈیٹر جنرل آفس دی استعداد کارودھاونڑ، ڈاکٹر عشرت حسین کوں ٹاسک ڈیونڑ،بھرتی سانگے پارلیمنٹ دے ارکاناں دا کوٹہ ختم کرنڑ اتے گریڈ ہک توں پنج تئیں بھرتی سانگے نواں طریقہ کار بنڑاونڑ،اسٹیبلشمنٹ ڈویژن کو ں ٹیسٹنگ سروسز داجائزہ گھنڑ ، پاکستان سٹیل مل دے بحالی پلان ،پی ٹی ڈی سی اتے متروکہ وقف املاک بورڈ چیئرمین دی تقرری دی منظوری ڈے ڈتی ہے۔انہاں ڈسایا جو برطانیہ توں الطاف حسین ،اسحاق ڈار ،حسین نواز اتے حسن نواز سمیت بئے ملزم پاکستان کوں مطلوب ہن ،تاں جووفاقی کابینہ اثاثہ ظاہر کرنڑ دی سکیم تے فیصلہ موخر کر ڈتا گئے ۔ ،وفاقی کابینہ اثاثہ ظاہر کرنڑ دی سکیم تے فیصلہ موخر کر ڈتا ،کابینہ دے اکان ایں معاملے تے بئی بحث کرنڑ چاہندن،پاکستان ایف اے ٹی ایف دی ساریاں شرطاں پوریاں کر گھدیاں ہن ۔انہاں آکھیا جوقومی ایکشن پلان دے بعددہشت گردی دے واقعات اچ گھٹکی نظر سی ،ا وہ ویلھا دور کائنی جڈاں اساں دہشت گردی دی لعنت توں مکمل نجات حاصل کر گھنسوں ۔فوجی تے سول قیادت وی ایہ آکھ چکی ہے جو قومی ایکشن پلان تے مکمل عمل درآمد نال دہشت گردی تے قابو پاتا ونج جا سگدے ۔انہاں آکھیا جو کابینہ پی ٹی اے دا موقف سنڑے اتے ماہرانہ رائے دا جائزہ گھنڑ دے بعد وفاقی وزیر انفارمیشن ٹیکنالوجی خالد صدیقی ،وزیر خزانہ اسد عمر ،وزیر تجارت رزاق داﺅ ،وزیر ریونیوعما د اظہر تے مشتمل ہک کابینہ کمیٹی بنڑا ڈتی گئی ہے جیرھی جو پی ٹی اے دے حوالے نال سفارشا ت تیار کریسی ۔ہک سوال دے جواب اچ انہاں آکھیاجو حقیقت ایہ ہے جو پاکستان دی عدالتاں ،جیلاںاتے پراسکیویشن اچ فرق ہے،ایں فرق کوں دور کرنڑ پوسی ،پی ٹی آئی حکومت ہنڑ نظام تبدیلی دی جنگ لڑدی پئی ہے ۔انہاں آکھیا جووزیراعظم دی کوشش ہے جو امیراں تے غریباں دے نال ہکو جیاسلوک تھیوے ۔انہاں آکھیا جو (اج) بدھ کوں وزیراعظم عمران خان نواں پاکستان ہاﺅسنگ سکیم دا افتتاح کریسن ،پہلے مرحلے اچ ہک لکھ 35ہزار اپارٹمنٹس بنڑائے ویسن۔
