اسلام آباد۔3اکتوبر(اے پی پی) پاکستان بھارتی وزیر خارجہ دے واڈوڈارا اچ کیتے ڳئے غیر ذمہ دارانہ تے غیر معقول ریمارکس کوں سختی نال مسترد کرݙتے جیں اچ بھارت ” عالمی دہشت گردی ” اچ پاکستان دے ملوث ہووݨ دے آپݨے مذموم الزامات تے اصرار کیتے ۔ دفتر خارجہ دے ترجمان دی طرفوں جاری بیان اچ آکھیا ڳئے جو بھارتی وزیر کارجہ دے بے بنیاد الزامات عالمی برادری کوں گمراہ کرݨ کیتے دہشت گردی متعلق حقائق گھڑݨ اچ مبتلا بھارتی لیڈراں دے جنون دا عکاس اے ، دفتر خارجہ آکھیے جو بھارت تے ایندے رہنماواں پڑوسی ملکاں تے انڳلی چاوݨ دی مذموم کوششاں دا مقصد بطور دہشت گردی دے ریاستی سرپرست تے انسانی حقوق دی مسلسل خلاف ورزیاں اچ ملوث آپݨی بدنام زمانہ شناخت کوں لکاوݨ اے۔ ترجمان اے وی آکھیے جو بھارت دے قبضٖ اچ جموں تے کشمیر اچ زیادہ ریاستی دہشت گردی دنیا دے کہیں خطے اچ واضح تے کھلی کائنی جتھاں نو لکھ توں ودھ بھارتی قابض فوج بے گناہ کشمیریاں کوں دہشت گردی ،تشدد تے اذیتاں دا نشانہ بݨیندی پئی اے ۔ آپݨے بیان اچ دفتر خارجہ عالمی برادری توں اے وی مطالبہ کیتے جو او بھارت کوں دہشت گرد تنظیماں دی سرپرستی تے پڑوسی ملکاں اچ بے امنی کھنڈاوݨ کیتے جواب دہ ٹھہراوے، پاکستان تے بے بنیاد الزام لاوݨ دی بجائے بھارت کوں آکھیا ونڄے جو او مقبوضہ جوں تے کشمیر اتے بھارت اچ مسلماناں دے خلاف ریاستی دہشت گردی دی آپݨی پالیسی کوں ترک کرے ۔
.jpg)
